لسان القلب
==========
( هل يحتاج القلب إلى لسان ؟... أعتقد أنه لايحتاج ..قد يكون تصوير ليس فى محله )
########
لسان قلبى بيندهلك
عشان نفسه يفضفضلك
==========
بداية موفقة مناغمه مع عنوان القصيده الذى لا أوافق عليه
########
هناادي عليك
وهقوللك
000000000
طيب قلنا ان القصيدة اسمها لسان القلب المفروض ان اللسان د هو الى هايتكلم ولا انتى على ابعد تقدير القلب هو الى ايتكلم.. هاتقولى ان ده مجاز مرسل جزئى ولا كلى أقولك مش موفق
########
نفسى ازرع قلبى بذره
طرحها ينبت فى قلبك
طرحها يطلع قلوب
كلها بتقول بحبك
خليك معايا كدا ثوانى
نفسى ازرع قلبى بذره
طرحها ينبت فى قلبك
جميل اوى وموسيقى متزنه ومعانى معبره
لكن الشطر الى جاى بعدها طرحها يطلع قلوب جميل ف المعنى ونتيجه حتميه ..لكن مش عاجبنى مش متسق مع الابيان موسيقياً
كلها بتقول بحبك
جميل
########
ياللى حبك
مش كفايه قلب واحد يجمعه
واللى جارح قلبى منك
واللى دايما يوجعه
ان قلبك مش مصارح
الله الله
جميل
بس خدى بالك انتى قلتى ان حبه كبير اوى " مش كفايه حب واحد يجمعه "
00000000
قلبى نبت حب طارح
نفسى قلبك يحصده
جميل بس فيه شوية .......... مش عاوز اوضحهم " نفسى قلبك يحصده "
ممكن نقول تفانى صح صح
حتى لو مش دارى بيه
جننتينى
فبداية القصيده قلتى انه حاسس وعارف وبيدارى
ودلوقتى بقولى مش دارى00 ناقض
وان قلبك برضه نابض
بس بيعاند ورافض
ان حاجه تقيده
ده تبرير ممكن يكون وهم كبير

########
حبى مش اسر فايدين
حبى دا براح للعنين
حبى دا جناح يحملك
وانت قول هتروح لفين
قلبى مستنيك تقرر
لما تدخل اسر قلبى
مش هتطلب انى احرر
اسر قلبك عنى غايه
حتى لو بانت هوايه
بس هى المنتهى
حبى مش اسر فايدين
لما تدخل اسر قلبى
ايه رايك
على فكره التضاد ده عاطى قيمه كبير ه اوى للمعنى وبين درجة الحب
########
والكلام عندى انتهى
يبقى باقى انى انادى
باللسان اللى فقلوبى
اللى واهباك نبضها
ان قلبك حاجه ملكى
نفسى بس تردها
ان قلبك حاجه ملكى
مش شويه قلى مش متأكده
ودلوقتى بقولى ملكك000 ركزى
لس مصممه ان لسان القلب ينفع عنوان للقصيد المتموجه المتضاربه دى

اشكر تعليقك اللى بجد حسسنى انى فمنتهى الغباء بس لو حضرتك ركزت شويه ولو انى مبحبش اشرح القصيده ودا خطأ ادبى ضخم بس هتلاقى انى البطله حبها اللى كبير مش قلب واحد يجمعه واحساسها انه بيحبها دا مجرد احساس هيا بتحاول ترغمه اما على الاعتراف بيه او نفيه لان حبه عندها غايه بس وعلى اى حال التعليق هايل ومفيد برضه بجد بجد اشكرك يا أ/ محمد واشكر مرورك الكريم فعلا

انا مش قصدى الشرح انا قصدى وحدة الموضوع
والتضارب الموجود بين بداية الفكر ونهايتها
ننتظر الجديد