التفاحة لم تكن فاسدة
قبل 7 أعوام
اقولك سر
اقولك سر ومش خايفه؟!
انا طول العمر بخاف م الحب وحكاياته
ببعد عن سيرته ووآهاته
وكانى بحارب صراعاته
والقلب حالفله الف يمين
لايروحله ولايسامحه ويصفى
لكن مش عارفه انا لي اتخضيت
شديت القلب وتوهته
قربته اليك عنى بعدته
سرسبته لعندك وخطفته
طب ليه مستمتع بالخطفه!!
مع انى حقيقى مانيش فاهمه
لكنه مقرر يتديلك
من شهد هواه اول قطفه
طب لى وازاى انت سرقته
طيرت القلب وغرقته
وانا ليه ذوقته وهيئته
وسلمته اليك انا مش عارفه؟؟!
العين هيمانه وسرحانه
وفحضن عيونك نيمانه
واحتلت من رمشك سريرين
والباقى بنت بيهم غرفه
تنقلها فبيت بانياه فقلبك
شرايين القلب ممراته
دقات القلب وحركاته
عمال بيساعدوا فتثبيته
واللى يأخرهم عنك يوم
بيلاقوا معاه مليون صرفه
لى روحك هاديه ومكاره
دخلتلى بميت الف اماره
واصطادت قلبى بسناره
متراهنه عليه ومهيش صدفه
ليه اديك بتسلم وترحب
وبثقه بتاكد وتقرب
بتحن عليا وبتطبطب
وانا ايدى مابين رعشه ورجفه
معقوله اكون بهواك حسيت
وف نار الحب انا اتحطيت
ورجعنا صالحنا الحب
وجيت وبقولها بحبك
مش خايفه
اقولك سر ومش خايفه؟!
انا طول العمر بخاف م الحب وحكاياته
ببعد عن سيرته ووآهاته
وكانى بحارب صراعاته
والقلب حالفله الف يمين
لايروحله ولايسامحه ويصفى
لكن مش عارفه انا لي اتخضيت
شديت القلب وتوهته
قربته اليك عنى بعدته
سرسبته لعندك وخطفته
طب ليه مستمتع بالخطفه!!
مع انى حقيقى مانيش فاهمه
لكنه مقرر يتديلك
من شهد هواه اول قطفه
طب لى وازاى انت سرقته
طيرت القلب وغرقته
وانا ليه ذوقته وهيئته
وسلمته اليك انا مش عارفه؟؟!
العين هيمانه وسرحانه
وفحضن عيونك نيمانه
واحتلت من رمشك سريرين
والباقى بنت بيهم غرفه
تنقلها فبيت بانياه فقلبك
شرايين القلب ممراته
دقات القلب وحركاته
عمال بيساعدوا فتثبيته
واللى يأخرهم عنك يوم
بيلاقوا معاه مليون صرفه
لى روحك هاديه ومكاره
دخلتلى بميت الف اماره
واصطادت قلبى بسناره
متراهنه عليه ومهيش صدفه
ليه اديك بتسلم وترحب
وبثقه بتاكد وتقرب
بتحن عليا وبتطبطب
وانا ايدى مابين رعشه ورجفه
معقوله اكون بهواك حسيت
وف نار الحب انا اتحطيت
ورجعنا صالحنا الحب
وجيت وبقولها بحبك
مش خايفه
زوال روح
القرب فحالتنا
أسوأ كتير م البعد
وعشان هونا يعيش
راح نفترق ع الود
وتنتهى القصه
ولاحد سايب حد
صدقنى مش ندمانه
ولاخايفه وجع الجرح
ميهمنيش السبب
كان نفسى ادوق الفرح
فكرت انى معاك
هقاوم الحرمان
بوهب بعمرى حنان
ولاعمرى دقت حنان
هموت الماضى
علشان تعيش ذكرى
وبيها اتصبر
على كسرتى فبكره
انا قلبى طير اخضر
شالك على جناجه
لف بهواك الكون
تتهنى ببراحه
ردك عليه دبحه
فنك فتجريحه
خدتك لقاع البحر
بلآلئه وبماسه
شفنا بعنيا السحر
وغافلنا حراسه
حسدتنا عين الخلق
من جنه او ناسه
ولاموا على قلبى
تفانيه فإخلاصه
انا قلبى لما حلم
هداك بكراسه
واول ماخط القلم
كنت انت ادريسه
سلمته ليك تملاه
مش تدهسه تدوسه
نسجت منه الغطا
لقلبك البردان
قدمته ليك الوطن
والاسم والعنوان
رديته لفه فكفن
القبر ليها مكان
ارجوك كفايه كدا
وعود بقا مكانك
اخشع لموت القلب
فدفنه نسيانك
دا عمر عودة روح
ماكان بإمكانك
