شعراء عشقوا الحب: بعد المداوله

دينا الدسوقى

بعد المداولة

ببعد عنك لجل أنساك
كل ايامى الحلوه معاك
بس خلاص
مبقتش انا هقدر
افضل احب فواحد يقدر
ينسى
ويقسى
ويرمى
ويهجر
قادر يبعد
قادر يرحل
قادر قلبه فحبه يقتَل
بس شفع له انه ما مثل
قلت استني كتير واستنظر
قلت استحمل
قلت اسامح غلطه واكمل
بس خلاص انا قلبى اتحير
اترجيته كتير يتغير
كنت الاول بتمناه للقلب يقرب
وانا دلوقتى
بتمنى لو عمره مايظهر
مكرهتوش
ولا يوم هقدر
بس انا لازم فيا افكر
وبعد مداوله
بين القلب القادر يصبر
ويا العقل اللى مابيهزر
وبعد تدبر
قلبى انا قرر
بايه هيفيد الحب معاه
وانا ولا عمرى هكون وياه
ولا دلوقتى
ولا متاخر
برج الحلم العالى اتكسر
حبل الود خلاص اتقصر
وعقل الحكمه عليا ماثر
يبقى كفايه القلب اتعذب
وهوا بيطلب بقى يتحرر
بعد ما اعلن
بعد ما أعلن
بعد ما أعلن انه اتضرر