## ليت قيثارتى معى كى أغنى
كى أترنم بتلك الكلمات المتناغمه
ألمح نضوج مميز فى تلك القصيدة
موسيقى راقيه غاية فى السمو والرقة
والله لإنها أنشودة راقصة من شاعرة باكية
ولعلنى لا أتجنى إذ قلت شاعرة باكية
وما اجمل البكاء على تلك الأبيات ##
......
حلم
بنحلم حلم من صغرة مبنشوفهوش
ونحلم حلمنا يصغر
ونرضى برضه بالاصغر
ولا بيجيش
بنحلم بس مرة نعيش
نلاقى يومنا بيعيشنا
ولا نعيشهوش

...
## وتصعب علينا الأحلام حتى لو ارتضينا بالقليل منها
ظلم الحبيب أم ظلم الحياة
أعتقد أنها خليط بين اثنين
ونرتضى بالدنية فالحب ولكن ............. ##

........

بنحلم نبقى بنى ادمين
ونخرج مرة مالتهميش
ونحلم الحياه تعدى
مبتعديش

.....
## رغم العذاب ومرارة الحب فالحبيب يستمتع بلذة العذاب
وأعتقد أن ذروة الذل فى الحب رفعة وليس تهميش ##
.............
ونحلم بس مرة نعيش
نشوف الفرحه لو لمحه
لكن الفرحه لومرت على قلوبنا
ساعتها الدنيا متهديش
تسرع سكه الاحزان
ولما قلوبنا توصلها
تمر عليها كدة بشويش
عشان ماقلوبنا تتعذب
فتشغلنا

..........
## ياااااه حرام عليك وجعتى قلبى
مش قاسية الدنيا كدا باستمرار أكيد فيه لحظات حلوه ولو كانت قليلة بتبقا حلوه
حتى لو كانت مسروقة ##
.............
واحلامنا متكملش
ولو احلامنا ممنوعه
طب يقولولنا ايه مسموح
ولو قالوا منحلمش
متفرقش

...........
## أحلامنا ماتكملشى .. كدا يبقا فيه أحلام وفيه أمل ولو كان أمل مبتور
..
مش عارف أحس هنا بلمحة سياسيه لا أعلم إن كنت محقاً أم تخيلات ##

..............

ولما تعبنا مالتفسير
نسينا حلمنا وبعناه
وحتى تمنه ماقبضناه

.....
## برافو عليك تعبيرات غاية فى التناسق والروعة ##

..............

وقررنا نعيشها وزى ماتمشى

........
مش عارف حاسس ان البيت ده محتاج تغيير مش متناسق
ممكن نقول

## وقررنا نعيشها بالصدفه ##

مدام الحلم مانفعشى
مدام الحلم مكملش
مدام الحلم من صغرة مايتشافشى
ويبقى حلم بقى واحد
بحلم انى محلمشى


## لا أملك فى النهاية إلا أن أشكرك على ذا التناغم الجميل وهذه الاحاسيس المتدفقة
وان كانت أحاسيس باكية ##

الله عليكي

لا حلمك عاش .. ولا إنت قادر تقتله .. يا تموت معاه! .. يا تعيش بقى .. وتستحمله

شفتي بقى إننا متفقين مش مختلفين ؟ بس مش هنبطل نحلم
تسلم موهبتك ويدوم عليكي الشعر ..والحلم

محمد منصور صقر