دهشه
قاعده وفجأه لقيه قصادى
احلى فراشه بتعمل ايه
برفع عينى عشان استفسر
وانت اساسا تطلع ايه
قبل ما انطق قاللى بسرعه
ايوة فراشه
ليه مش قادره تطير وتدور
ليه بتحبى البحر الهادى
ساحبه العمر لليل مهجور
ليه بتخافى غروب الشمس
ليه فعيونك حيره ولهفه
ليه بتنادى الحب بهمس
عينىبدهشه ماليها الخوف
غصبن عنى اتشدت ليه
واستغربت
قاللى مكنتش بوصف فيكى
لكن قلبى بيوصف حاله
قلبى وفضفض باللى ماليه
واقدر اقولك عاللى فقلبك
نظره عينك داله عليه
حسيت فجاه كأن مرايه
دخلت قلبى وعاكسه مابيه
لكن لسه الدهشه فعينى
حتى لسانى كلامه نسيه
قاللى بلهفه شوق وحنين
ايوه انا هوه
اللى مضحى بعمره فداكى
اللى الروح مقاسمها معاكى
عاش طول عمره بنص الروح
نصه التانى معاكى لاقيه
اللى سنين العمر بدور بس عليكى
كان متاكد انه هيجى اليوم يلاقيكى
عايشه سنينك تستنيه
اول كلمه نطقها لسانى
اكيد مجنون
قاللى اكيد مجنون لو سبتك
شرايين قلبى بترسم صورتك
قلبى سكنتى خلاص حواريه
جيتى زرعتى بوار اراضيه
بالحنيه وخضرتيه
قلت وقلبى
رد وقاللى
قلبك بيت بنيتيه علشانى
وحروف اسمى واشمها عليه
بينى وبينى
قلبى مصدق كل كلامه
وعقلى ماصدق انه لقيه
روحى اتوالفت وافقت روحه
دق القلب معاه مفتاحه
حتى النبض اتحكم فيه
بص فعينى وقاللى بحبك
وقفت كل حروف العالم
عاجزه قصاد تحديد معانيه
وانا م الفرحه عجزت اتكلم
حد يقوللى ارد بإيه