مش هعيش
++++
دائماً تلعبين على هذا الوتر .. البين بين

بداية جذابة للقصيدة ويكمن ذلك فى غموض العنوان او اشتماله على أكثر من معنى

++++++++
++++++++

لما انت عارف اننا محناش لبعض
وان حكايتنا هتنتهى بفراق وبعد
عيشتنى ليه فالسما
وفرشت من تحتى النجوم
غطتنى ليه بنور القمر
ووقفت حارس م الغيوم
خايف لتحجب نوره عنى
والا خايف لا الضباب يحرمك من نظره منى
والا صوتى متسمعوش لما اغنى
وازاى تخاف وانت اصلا حته من
++++
أبيات جميلة جداً فى غاية الروعة
صياغه أدبية مميزه
ولكن
أحسسن وكأنك خلطتى السكر بالملح
تعبرين عن الحزن الداخلى بذكريات سعيده أو ان جاز التعبير بخيالات سعيده حالمة
استطعتى هنا رسم صوره للأعلى .. صورة ورديه مرصعهبنجمات ذهبية وغيمات وردية وسحب مخملية
لا أستطيع التعبير هنا عن جودة الصياغه وحسن التعبير الا أن أقول لك " أحسنتى "

++++++++
++++++++
طب سبنا ايه بقى للتمنى
واتنمى ايه
وانا عايشه اكتر ماللى ياما حلمت بيه
هنا فى السما
الطير يعدى جنبنا
انا اخاف
لعيونه تحسد حبنا
وانت تخاف
لعيونه تلمحنى انا
وتغير عليا من عنيه
وتلوم عليه
طب ذنبه ايه
معذور مشافشى زينا
خايف لا كل الى يحبوا
يطلعوا هنا جنبنا
وساعتها فين يلقى مكان جواه يطير
الحكايه
مش بس انه بدا يغير
الحكايه
انه خايف ييجى يوم
فالفضا يصبح اسير
عشان كدا
واجب عليا اعرفه
ان المكان دا ماحد غيرنا هيعرفه
واحنا ضيوف
هنعيش هنا وسط السحاب
واما يكون جوانا شوق
نجرى سوا تحت المطر
ننده سحابه ترشنا
تصبغ حياتنا باحلى طيف
واما نحس الجو صيف
ناخد سحاب وندوبه
نعمل بحيره صغيره على قدنا
++++
وتستمر أحاسيس الحب الحالمه فى نسج خيالات ذهبية
أستطاعت هنا الشاعرة الوصول إلى درجه عاليه من الخيال لدرجة الحديث فى الخيال مع الطير وفهم لغته ومحاورته
قمة احساس الشاعر
ولم تكتفى بذلك بل توحدت مع العوامل الطبيعيه مثل السحاب المطر
مجموعه من الصور الأدبيه البلاغيه تراوحت بين التشبسه والكنايه والمجاز.. أدوات أدبية مميزه
أحسنتى
أحسست بأننى احب من روعة الوصف والتشبيه
أحسنتى

++++++++
++++++++
واما ننادى الشمس تطلع
البحيره تختفى
تصبح بخار
شايل هموم
محكوم عليها تتنفى
لكن ساعتها
حسيت بشمعه حبنا
جوه قلبك
بدات تهدى وتنطفى
ولقيت ايدينا سايبه بعض
وسمعت رعد
فجاه السما مبقتش صافيه
ولقتنى بنزل من هنا
لاايديا طايلاك فى السما
ولا رجلى كانت طايله ارض
ولقتنى مش متطمنه
وروحى حست بالقلق
ونادتنى من فوق فى السما
على فكره لازم نفترق
حسيت ساعتها بروحى منى بتتسرق
حسيتنى مركب ياما عافر ويا موجه
بس فى الاخر غرق
انت خلاص
قررت فجاه تعيش هناك مع حد غيرى
انت تعيش وانا مش مهم انا ايه مصيرى
وازاى انا بعدك هعيش
فاكرنى زيك والهوا ميهمنيش
حبتنى ليه
لما انت مش قد الغرام
وجاى تقوللى
انا لسه مش قد المقام
كده بساطه
ياسلااااااااااام
لأ جديده
موزونه لكن جوها مش مناسب للقصيده
القصيده اللى اتفقنا انها هتعيش سعيده
لكن نسينا نتفق ان النهايه تكون سعيده
لكن مادمنا اكيد خلاص راح نفترق
والقصه دى صبحت مفيش
ممكن طلب ممكن
وقبل ماتمشى اعرف
لما يموت قلبى بعدك ازاى هعيش
والا بلاش
اصل الاكيد بعد حكايتنا ماتنهى
انا مش هعيش
++++
وكعادة دينا الدسوقى
لابد من العودة للحزن
وكما قلت سابقاً خلط السكر بالملح
لاتكاد تفرح حتى تحزن وتبكى
..
..
قصيدة مميزه عالية الإحساس
أتمنى لك التوفيق
..مجرد آراء فردية من إنسان يحب الشعر
..
فى انتظار المزيد

مميزة جدا الكلمات والمدونة سعيد بمرورى وتحياتى