كلمه
..
سؤال عندى
ماهى الكلمة ؟
هى مجموع حروف لتكون معنى
"ولا تقل لهما أف "
بين الله سبحانه وتعالى فى هذه الآية الكريمة أن أصغر كلمة مكونه من حرفين


.........

كلمة

" حب "
أليست كلمة ؟

كلمه

يااااااااااااااااه تصدق
نفسى اقوللك كلمه توصفلك غرامى
متلقتش
نفسى الاقى كلمه واحده
اختصر بيها كلامى
ومتقالتش

.....
* كعادتك دائماً بداية قوية للقصيدة

بداية راقصة وإيقاع متناغم أحسنتى

.........
بس فكتاب الهوى
كنت بتهجى الحروف
نفسى انسج كلمه واحده
من كلام قالوه الاوف
القى برضه حبى اكبر
ماللى قالو قبلنا اهل الغرام
حبى اصلا فالحروف
ميكفيهوش كل الكلام

............
* فى أول شطرين هنا أحسست أننى أستمع لشاعر كبير والله وكأننى أستمع لـ صلاح جاهين
أحسنتى

.......


حتى لما كنت اوازن
بين هواهم ويا حبى
كنت الاقى الف قصه من غرامهم
ويا نبضه جوا قلبى
متساويتش
واما تسال عن مكانك جوه قلبى
كنت بسكت مالخجل
زى تلميذ الاجابه جوه منه
بس مش قادر يجاوب ع السوال اللى اتسال
عارف انه مهما قال
عمره ماهيوفى الاجابه عن السوال
والسكات قايل كلامى اللى فعيونى

........
* وصلتى هنا لدرجة عالية من الايقاع والمعانى المعبرة
أحسست بأن الشاعرة حاول أن تجد ميزان لتزن به هذا الحب الكبير فلم تجد الميزان الذى يقدر هذا الحب
درجة عاليه من النضج الشعرى أحسنتى

.............


رامى لومى
عالحروف اللى خانونى
والحروف ازاى هتوصف حبى ليك
حبى اصلا اتخلق من قبل كونى
سبنى جنبك مش هاممنى لوم عوازلى لو لامونى
حبك انت عندى مبدأ
ياااااااااااااااه تصدق
يااااااااااااااااااه لقيتها
كلمه كانت غايبه عنى والغريبه ازاى نسيتها
كلمه كانت جوه قلبك
كلمه عرفت نبضها من نبض حبك
كلمه هى
ياااااااااااااااااااااااااااااه
بحبك

............
* وكانت النهاية
الوصول للكلمة المعجزة بعد عجز الحروب عن التعبير
الحب
أحسنتى فى الوصف والتعبير
قصيدة متميزه
شاعره ذات إحساس مرهف
أصفق لك فى نهاية القصيدة
أحسنتى