شعراء عشقوا الحب: زوال روح

دينا الدسوقى

زوال روح

القرب فحالتنا
أسوأ كتير م البعد
وعشان هونا يعيش
راح نفترق ع الود
وتنتهى القصه
ولاحد سايب حد
صدقنى مش ندمانه
ولاخايفه وجع الجرح
ميهمنيش السبب
كان نفسى ادوق الفرح
فكرت انى معاك
هقاوم الحرمان
بوهب بعمرى حنان
ولاعمرى دقت حنان
هموت الماضى
علشان تعيش ذكرى
وبيها اتصبر
على كسرتى فبكره
انا قلبى طير اخضر
شالك على جناجه
لف بهواك الكون
تتهنى ببراحه
ردك عليه دبحه
فنك فتجريحه
خدتك لقاع البحر
بلآلئه وبماسه
شفنا بعنيا السحر
وغافلنا حراسه
حسدتنا عين الخلق
من جنه او ناسه
ولاموا على قلبى
تفانيه فإخلاصه
انا قلبى لما حلم
هداك بكراسه
واول ماخط القلم
كنت انت ادريسه
سلمته ليك تملاه
مش تدهسه تدوسه
نسجت منه الغطا
لقلبك البردان
قدمته ليك الوطن
والاسم والعنوان
رديته لفه فكفن
القبر ليها مكان
ارجوك كفايه كدا
وعود بقا مكانك
اخشع لموت القلب
فدفنه نسيانك
دا عمر عودة روح
ماكان بإمكانك