اصدقائى اريد ان ارى تعليقاتكم على تلك القصيدة لانها تهمنى جدا

كيف يبدأ الحب ؟
إنه طريق بلا عوده .. من الصداقة إلى الحب
.....
كنا زمان فى القرب اصحاب
كنا زمان فى القرب حبايب
من غير حتى مانبقى احبه
كنا اصحاب
فجاه احبه
..
فجأه أحبه
مش فجأه يا بالتدريج لكن الانسان أحياناً بيحب يخدع نفسه ويقول .. فجأه ..
..
بدايه طبيعي للقصيده وانتقال مقبول
**********
وكمان فجاه رمتنا فغربه
حتى الكلمه الحلوه مابينا
صبحت صعبه
كنت اتمنى
نفضل دايما زى ماكنا
كنا بنشكى لبعض همومنا
كنا بنمحى لبعض المنا
من غير حتى ماننطق كلمه
كنا وكنا
لكن كل دا اصبح ماضى
اصل العادى
..
جميل تعبير .. كنا وكنا .. بيحكى حكايات كتير قوى بيخلى القارئ يعيش مع نفسه فأحلامه الشخصيه وذكرياته
أحسنتى
*******
انك مهما قدرت تصون العشرة اكيد هتفارق
.. وكما هى عادتك انتقال غير مقبول وجهة نظرى البيت ده غريب مش زى الابيات السابقه ولا اللاحقه
*******
هتفارق
بس الفارق
شوفى الجمال
شوفى حلاوة الجناس بيعطى موسيقى جميله وغريب فنفس الوقت
أحسنتى
**********
انك تمشى سايب ذكرى جميله هناك
مش تختمها بخدعه وتمشى
وتسيب فيها قلوب كارهاك
بس الاسوا
ان انا قلبى لسه مصدق
انك ممكن تبقى ملاك
...
بصراحه استخداماتك رائعه للمحسنات البديعيه
ألاحظ ذلك فى .. قلوب كرهاك .. تبقى ملاك..
أحسنتى
********
وان الحاصل غصبن عنك
وانك مغدرتش بالعشرة
وانك راجع
بس فى حاجه اكيد مانعاك
لكن برضه لو انت رجعت
مش راح نقدر نبقى اصحاب
ولا يوم كنا لبعض حبايب
احنا بقينا خلاص اغراب
وانا هعتبرك صاحب غايب
....
رغم ظاهر القصيده فى الفراق إلا أنى أحس رغبه دفينه فى الصلح مع ذا المحبوب المتمرد
تجربه شعريه متميزه تحتوى على دفقات شعوريه متأججه
أحسنتى

اشكرك فعلا ومتشكرة على ما اتحته لى من وقت لكتابه كل تلك التعليقات وارجو منك الاستمرار معى لكتابه افضل