هاى كنتى فعلا هايله فى القصيدة دى

هايل يادينا بالتوفيق

قلبى حاسس انه ظالمك
بس مش لاقى اعتذار
وانت وحدك عندة تقدر
تمحى ليل وتجيب نهار
......
الله الله الله
استهلال فى غاية الروعة
قمة الحل فى التسامح
***********
طب اقولك سر ممكن يستخبى الا عنك
مش عارف اقول ايه
ملاحظ ان عندك بعض الابيات الانتقاليه بتكوت قيله شويه
لاحظى معايا البيت ده فيه ارع سكنات
طب اقولك.. سر ممكن .. يستخبى .. الاعندك
ايه رأيك مختلف عن الابيات الاولى ولا لأ .. أنا مش بانكر انه بيت جميل لكن موسيقته مختلفه
***************

انت دايما كنت منى
ضى عينى جوه ننى ودة لانى
....
أن باقول
انت دايما كنت منى
ضى عينى جوه ننى
وده لانى
........
مجرد وجهة نظر
************
كنت عايشه فحلم ملكاه جوه ايدى
.......
اسمحيلى البيت ده مش مظبوط
***********
فجاه يبقى الحلم تلج
فجاه الاقى التلج داب
كنت زى سحابه تايهه
لا لاقيه صبر فتنتظر
ولا عارفه فين وازاى وامتى
وليه هتتحول مطر
ولا لاقيه مطرح تسكنه وسط السحاب
واما شوفتك
...........
ايه الروعه دى
لكن
كنت زى سحابه تايهه
لا لاقيه صبر فتنتظر ( لا لاقيه بر ترسى فيه )
كدا افضل
*************

كنت بالنسبالى رحله
كل ماامشى فيها تحلى
كل يوم بيبان جمالها
كل يوم تظهرلى جوله
لوهقول تعليق عليهم
مش كفايه ميت محاوله
انت عندى كون وعالم
انت كون الخيال ميجبش اخرة
ولا حتى متحدد معالم
انت عالم مش بطوله
زى جنى
نفسى يسكن جوه منى
لو هيطلب منى عمرى
حتى عمرى هديهول
.......
شاعره كبيره
لكن
انت كون الخيال ميجبش اخرة ( انت كون مالوش نهايه )
مش كدا اخف على الاذن
***********
يبقى لازم لعتذار
بطلب الغفران سامحنى
جايه اقوللك
ايوه عارفه انى ظلمتك
جايه اقوللك قلبى نادم
اى وصف هقوله عنك
مهما هستعمل بلاغتى
ومهما هفتح فى المعاجم
برضه مش هوفيك مكانتك
عارفه ان الوصف ظالم
........
نهايه موفقه لكن
ايوه عارفه انى ظلمتك ( ايوه عارفه انى ظالمه )
كدا احسن
...
.
عارف انى تجاوزت حدودى لكن دى وجهة نظرى
تقبلى مرورى

مرور كريم جدا وتعليقات هايله ولها رؤيه اشكر اهتمامك وتعليقاتك واتمى تواجدك الدائم